Jean Tellechea, Urruñako herri kontseilariak aldarrikatu du : « gaur 8 euskal hautagai gira Yann Wehrling-ek eramaiten duen ECOLOGIE POSITIVE ET TERRITOIRES zerrendan ». Ile de France Eskualdeko presidentordea da Wehrling jauna. Tranzizio ekologikoaz arduratzen da. Defendatzen du : « ekologia baikor bat, egitasmoen ekologia araudi egingarriekin, proposamen egingarriekin, lurraldeen eragileekin batera » dio Jean Tellecheak. 

3 ardatz politiko biltzen dituen zerrenda bat

Hiru ardatz politiko nagusi defendatzen ditu zerrendak : herritar zerrenda bat, behar den bihurgune demokratikoarekin hurbiltasun « falta aurpegiratzen dioten Europako biztanleen aintzinean zilegitasun bat atxiki nahi badu » eta aipatu ardatz erregionalista bat, « Frantses Estatuaren hiperzentralizazioa, nortasunak, tokiko ekimenak, erakundeetan eztabaida demokratikoa, politiken eraginkortasuna, bizi gabe uzten dituen arazo gune pizu » horri amaiera bat lortzeko.

Kanpainan zehar, Ecologie positive et Territoires zerrendak « Europa indartsu, Europa hurbil eta zuzena » defendatuko du. Gracianne Mirande Bec-ek zerrendaren proposamen konkretuak aurkeztu ditu.

Euskadi, lurralde Europarra

Jean Tellecheak azpimarratu du : « Ipar Euskadin, gaur hasten dugu gure kanpaina Biriatun, herri sinbolikoa, Bidasoaren bazterreko egoeraren gatik eta historikoki 2 aldeetatik etorritako herritarren gatik; Europar Batuari atxikiak dira Euskaldunak. Eskualdeei, bereziki mugaz gaindikoei, kasu egin die beti Europa Batuak, bere programekin eta bere Estatu kideen arteko ezberdintasunak, eskualdeen bidez murrizteko borondatearekin.

Europar Batuarekin identifikatzen gira. EUSKADI EUROPAN, EAJ-PNBren lelo bat da, 1930eko hamarkadakoa. Sekulan baino gaurkotasun handikoa da. Gure euskal aberri proiektu  gauzatuko da, Europa Batuan sartuz. Ziurtasun bat da. Hori da gure proiektu politikoa EAJ-PNBn ».

Ipar Euskadiko itzulia bizikletaz

Kanpaina urria eta dinamikoa preparatua da, bereziki Ipar Euskadiko itzuli batekin, Maiaztaren 20tik 25eraino, Larrañetik Irun arte. « Bizikletaz egindako kanpaina aste honetan, parada izanen da jendea bere herrian ezagutzeko, eta, egunaren bururatzean, bilkura publikoak antolatzeko.

Azkenik, Irunen mitin berezi bat eginen dugu Oihane Agirregoitia EAJren Europako hauteskundeetarako Espaniar Estadoko hautagaiarekin, Yann Wehrling eta Corinne Lepagerekin ».

Bururatzeko, bilkura bat eginen dugu Ekainaren 6an, Baionan.

EAJ-PNBk aurkeztu HAUTAGAIAK (zerrendan duten tokiaren arabera)

Jean Tellechea : 3. ; URRUÑA. Herri kontseilaria eta EAJ-PNBren idazkaria. 2009an eta 2014an zerrendaburua Europar hauteskundeetan

Gracianne Bec Mirande : 10. ; DONIBANE LOHIZUNE. EAJ-PNBren kidea. Tranzizio ekologikoan ingenieria.

Sandrine Dedet : 24. ARROSA energi berriztagarrien garapenerako militantea

Mathieu Membrede : 33. LUHUSO. Lapurdi Barnekaldeko EAJ-PNB taldearen burua. Lantegiburu engaiatua

Anne Gaelle Badiola : 54. ; URRUÑA. EAJ-PNBtik hurbil. Erakaslea engaiatua elkarte alorrean

Christophe Lamboley Depoire : 61. ; MIARRITZE. Miarritzeko EAJ-PNB taldearen burua. Ingenieria digitalean

Gaxuxa Elhorga-Dargains : 64. DONIBANE LOHIZUNE. EAJ-PNBren kidea. Euskararen garapenerako militantea

Benat Arrabit : 69. ARROSA. EAJ-PNBren kidea. Auzapeza. Euskal Elkargoaren presidentorde ohia.