Zerrenda europazale bat eta hautagai batzu herritarren eta tokiko eragileen gana

Europako hauteskundeen kanpaina eramateko molde berezi bat. Bere hautagaiekin Ipar Euskadiko Itzulia bizikletaz proposatzen du EAJ-PNBk, Maiatzaren 20tik, Astelehenez, 25era, Larunbatez.

Biziki urrun gelditzen den erakundea da Europar Batasuna herritar ainitzentzat, Bruselan hartu erabakiekin. Alta, EAJ-PNB eta « Ecologie positive et Territoires » bere zerrendakide Europazaleentzat behereko Europa bat izan behar da, herritarren gandik hurbilago den Europa bat, lurraldeetako eragileen gandik hurbilago dena.

EAJ-PNBren hautagaientzat, Itzuli hau, parada izanen da, hautesleen, tokiko hautetsien, enpresarien, orohar, gaurko eta biharko Ipar Euskadi eraikitzen ari diren eragileekin hitz egitea. Bere aurrekontuaren % 20a lurraldeen garapenera bideratzen duen Europa oso gutti ezagun hori aurkezteko parada izanen da, baina baita lurralde horien alde, gehiago eta hobeto egin behar duen Europa hori ere aldarrikatzea.

Ororen buru, « Ecologie positive et Territoires » zerrendak aldarrikatzen du Europa indartsu bat, batua, zuzena eta behereko Europa bat, hurbila eta eraginkorra

Hauek dira EAJ-PNBk proposatzen dituen Ipar Euskadiko Itzuliaren etapak:

Maiatzaren 20a, Astelehena : Larrañe – Atarratze – Maule - Donapaleu

Maiatzaren 21a, Asteartea : Donaixti Ibarre – Gamarte – Donazaharre – Donibane Garazi – Baigorri – Donibane Garazi

Bilkura publikoa Donibane Garazin, merkatu estalian, arr. 7etan: "Klimaren freska" talde tailerra

Maiatzaren 22a, Asteazkena: Baigorri – Ortzaize – Irisarri – Hazparne - Kanbo

Bilkura publikoa Kanbon, Larrazkena gelan, arr. 7etan: " Europar Batasuna, Ipar Euskadiko berrikuntza ekonomikoaren alde ? "

Maiatzaren 23a, Osteguna : Bastida – Mugerre - Baiona

Maiatzaren 24a, Ostirala: Miarritze – Bidarte – Donibane Lohizune

Bilkura publikoa Donibane Lohizunen, Ducontenia gelan, arr. 7etan : "Europar Batasuna eta itsas aktibitateak"

Maiatzaren 25a, larunbata : Urruña – Hendaia – Irun

Bidasoaren zeharkaldia bizikletaz

Prentsaurreko bateratu bat, bereziki Europako hauteskundeetarako EAJ-PNBren hautagaiekin, goizeko 11etan :
Jean Tellechea, Ecologie positive et Territoires zerrendaren 3.

Oihane Agirregoitia, EAJ-PNBko zerrendaburua, Hego Euskadin

Yann Wehrling, Ecologie positive et Territoires zerrendaburua