EAJ-PNBko legebiltzar talde honek kirolaren legearen emendakin bat aurkeztu du, batzordean onartua, federazio autonomikoen nazioarteko aitorpenerako. Kirolak «lotura historiko eta sozial handia izan behar du dagokion lurraldean». Bigarren kasua: federazio autonomikoa “ “Espainiako federazioa eraiki baino lehen nazioarteko federazio baten parte” izan zen. Pilota, gure herriaren kirol historiko eta nazionala da. Euskal Surf Federazioak bigarren baldintza betetzen du. 

Lehen urrats garrantzitsu hau Espainiako sozialistekin lortutako akordio baten emaitza da, bi alderdien arteko lankidetzaren baitan, Madrilen. Euskal selekzioen aldeko ekimen ainitzen ondotik, EAJ-PNBk negoziazioaren bide instituzionala baieztatzen du. Iraunkortasuna, anbizioa eta pisu politikoa behar dira hastapenean ados ez direnak bazkide bihurtzeko. 

EAJ-PNBk espero du euskal selekzioek etorkizun hurbilean Ipar Euskadiko kirolariei ere zabaltzea.

EAJ-PNBk kirol guztietan euskal selekzioen defentsan jarraituko du.

EAJ-PNBk lehen urrats garrantzitsu bat eman du euskal selekzioen ofizializazioan. Lehena baina ziur ez azkena.

Goza dezagun oraingo urratsa, pentsatuz hurrengo Mundialetetan, euskal selekzioko trikolorezko atorra, berde-zuri-gorria, jantziko duten pilotari horiei !

Argazkian : Andoni Ortuzar, EAJ-PNBren presidentea, surf eta pilota euskal federazioen ordezkariekin. Eskuinean, Ana Esther Furundarena, EBBko Hezkuntza, kirol, euskara eta kultur arduraduna.